tariKH Taswe bahaegi

tum sar-e-bām aa kar

uThāyā huā haath apnā hilā kar

chamakdār āñkhoñ se apnī

mujhe ruḳhsatī kā agar izn detīñ

to maiñ dushmanoñ ke liye

maut ban kar nikaltā

tumhāre faqat ik ishāre se

kushtoñ ke pushte lagātā chalā jaatā

tum dekhtīñ kis tarah maiñ

zamāne kī sarhad zarā der meñ paar kartā

har ik samt se vaar kartā

mohabbat kī tārīḳh tabdīl kartā

na.ī razm-e-botīqā tashkīl detā

maiñ lashkar kā sab se bahādur sipāhī thā

mere liye ek aañsū bahut thā

magar tum ne ashkoñ kī barsāt kar ke

mujhe is qadar ġham-zada kar diyā hai

ki lagtā hai ye ma.arka haar jā.ūñgā maiñ

lauT kar ab na ā.ūñgā maiñ.....!

tum sar-e-baam aa kar

uThaya hua hath apna hila kar

chamakdar aankhon se apni

mujhe ruKHsati ka agar izn detin

to main dushmanon ke liye

maut ban kar nikalta

tumhaare faqat ek ishaare se

kushton ke pushte lagata chala jata

tum dekhtin kis tarah main

zamane ki sarhad zara der mein par karta

har ek samt se war karta

mohabbat ki tariKH tabdil karta

nai razm-e-botiqa tashkil deta

main lashkar ka sab se bahadur sipahi tha

mere liye ek aansu bahut tha

magar tum ne ashkon ki barsat kar ke

mujhe is qadar gham-zada kar diya hai

ki lagta hai ye marka haar jaunga main

lauT kar ab na aaunga main!