tassuraat

tujh se miltā huuñ to ahbāb sitam Dhāte haiñ

un kī ḳhvāhish hai ki milne se bhī majbūr rahūñ

tujhe pūjūñ yūñhī ḳhāmosh pujārī ban kar

dil se nazdīk nigāhoñ se magar duur rahūñ

bhuul jā.ūñ tirī ḳhushbū tirī qurbat tirā lams

soz-e-hijrāñ se fasurda rahūñ ranjūr rahūñ

chāñdnī raat jahāñ jism ko jhulsāne lage

partav-e-husn-e-ḳhayālāt se māmūr rahūñ

merī taqdīr bhī rātoñ ke añdhere pahne

yūñhī taḌpā karūñ jaltā rahūñ be-nūr rahūñ

aur ḳhud merī vafā kā bhī taqāza hai yahī

ashk-e-ġham pī ke bhī shādāñ rahūñ masrūr rahūñ

mujh ko ye ġham bhī gavārā hai magar rūh-e-ḳhayāl

tere hoñToñ pe tabassum kī kiran chāhtā huuñ

tujh se milta hun to ahbab sitam Dhate hain

un ki KHwahish hai ki milne se bhi majbur rahun

tujhe pujun yunhi KHamosh pujari ban kar

dil se nazdik nigahon se magar dur rahun

bhul jaun teri KHushbu teri qurbat tera lams

soz-e-hijran se fasurda rahun ranjur rahun

chandni raat jahan jism ko jhulsane lage

partaw-e-husn-e-KHayalat se mamur rahun

meri taqdir bhi raaton ke andhere pahne

yunhi taDpa karun jalta rahun be-nur rahun

aur KHud meri wafa ka bhi taqaza hai yahi

ashk-e-gham pi ke bhi shadan rahun masrur rahun

mujh ko ye gham bhi gawara hai magar ruh-e-KHayal

tere honTon pe tabassum ki kiran chahta hun