tadwin-o-tajsim

uzv ik ik kar ke joḌe

dil diyā

fikr pahle de chuke the

ya.anī sab kuchh le chuke the

putliyāñ diiñ raushnī baḳhshī

jigar goshoñ ko gurde de diye

phephaḌoñ ko tāzgī paivand-kārī se milī

gene se paude ugaa.e

gene se phal phuul bhī

gene se insāñ banā.e

gene se mor-o-magas

ḳhud-kushī kā haq milā

tajsīm-e-ḳhud kā haq milā

jo atā qudrat kī thī vo ḳhud-baḳhud karne lage

ḳhud-baḳhud jiine lage aur ḳhud-baḳhud marne lage

uzw ek ek kar ke joDe

dil diya

fikr pahle de chuke the

yani sab kuchh le chuke the

putliyan din raushni baKHshi

jigar goshon ko gurde de diye

phephaDon ko tazgi paiwand-kari se mili

gene se paude ugae

gene se phal phul bhi

gene se insan banae

gene se mor-o-magas

KHud-kushi ka haq mila

tajsim-e-KHud ka haq mila

jo ata qudrat ki thi wo KHud-baKHud karne lage

KHud-baKHud jine lage aur KHud-baKHud marne lage