tagore mohabbat ka farishta

bāñsurī kī lai pe jaise jāgte tāroñ kā naach

sardiyoñ kī kapkapī ko chuum le jis tarah aañch

chāñdnī kī karvaTeñ jaise añdherī raat meñ

jaise naddī kī ravānī āḳhirī barsāt meñ

jaise lahreñ chheḌ deñ dhīme suroñ meñ jal-tarañg

jaise kaliyoñ meñ samā jaa.e bahāroñ kī umang

ban kī ḳhāmoshī meñ jaise mast koyal kī pukār

āsmāñ kī chhat pe jaise abr ke naqsh-o-nigār

jaise kohsāroñ ke māthe par shafaq kī dhāriyāñ

jaise titlī kī hasīñ parvāz meñ gul-kāriyāñ

sub.h ke siine pe thirke jaise sūraj kā jamāl

raat ke ḳhvāboñ meñ jāgeñ jaise din bhar ke ḳhayāl

kaale kaale āsmāñ meñ jaise bijlī kī lakīr

jaise zanjīroñ se khele qaid-ḳhāne meñ asiir

bansuri ki lai pe jaise jagte taron ka nach

sardiyon ki kapkapi ko chum le jis tarah aanch

chandni ki karwaTen jaise andheri raat mein

jaise naddi ki rawani aaKHiri barsat mein

jaise lahren chheD den dhime suron mein jal-tarang

jaise kaliyon mein sama jae bahaaron ki umang

ban ki KHamoshi mein jaise mast koyal ki pukar

aasman ki chhat pe jaise abr ke naqsh-o-nigar

jaise kohsaron ke mathe par shafaq ki dhaariyan

jaise titli ki hasin parwaz mein gul-kariyan

subh ke sine pe thirke jaise suraj ka jamal

raat ke KHwabon mein jagen jaise din bhar ke KHayal

kale kale aasman mein jaise bijli ki lakir

jaise zanjiron se khele qaid-KHane mein asir