tahaffuz

par rang-e-havas ne phaḌphaḌā.e

baḌhne lage nashshe ke saa.e

ghabrā ga.ī zamīn Dar se

kaliyoñ ke in chhoTe badan par

bhañvre kī nigāh paḌ na jaa.e

mausam ne kar diyā ishāra

bādal ne taan dī hai chādar

shāḳhoñ ne khīñch diiñ tanābeñ

patte lagā chuke qanāteñ

lo nasb ho gayā hai ḳhema

har ḳhaar de rahā hai pahra

ab kuchh ḳhatar zarar na Dar hai

ḳhvābīda husn be-ḳhabar hai

rahzan ke rāste haiñ masdūd

hai jur.at be-panāh mahdūd

fitrat ke dast-e-pur-hunar meñ

ma.asūmiyat ho ga.ī hai mahfūz

par rang-e-hawas ne phaDphaDae

baDhne lage nashshe ke sae

ghabra gai zamin Dar se

kaliyon ke in chhoTe badan par

bhanwre ki nigah paD na jae

mausam ne kar diya ishaara

baadal ne tan di hai chadar

shaKHon ne khinch din tanaben

patte laga chuke qanaten

lo nasb ho gaya hai KHema

har KHar de raha hai pahra

ab kuchh KHatar zarar na Dar hai

KHwabida husn be-KHabar hai

rahzan ke raste hain masdud

hai jurat be-panah mahdud

fitrat ke dast-e-pur-hunar mein

masumiyat ho gai hai mahfuz