talab ka aaKHiri maqam

kā.enātī vus.at dekhne ke liye

maiñ ne goal dā.ere meñ qadam rakhā

is ḳhalā ko

ek na.ī raushnī bhar saktī hai

dushvār raah meñ DhūñDhnā āsān nahīñ

vo āḳhirī maqām

jis pe

koī maqāla nahīñ likhā gayā

savāl chīḳh rahā hai

qalb-ul-abyaz se nikaltī kuuk

jab samā.atoñ se Takrā kar gūñgī huī

mujhe phir safed phuul rakh kar

tahqīqī mazāmīn likhne paḌe

manzil qarīb aane lagī

qadam rukne lage

āñkhoñ kā saarā nuur

mujtam.a kar ke dekhā

roTī ek hisār meñ jagmagā rahī thī

jannat se nikāle jaane se le kar aaj tak

talab kā āḳhirī maqām bhuuk hai

kaenati wusat dekhne ke liye

main ne goal daere mein qadam rakha

is KHala ko

ek nai raushni bhar sakti hai

dushwar rah mein DhunDhna aasan nahin

wo aaKHiri maqam

jis pe

koi maqala nahin likha gaya

sawal chiKH raha hai

qalb-ul-abyaz se nikalti kuk

jab samaaton se Takra kar gungi hui

mujhe phir safed phul rakh kar

tahqiqi mazamin likhne paDe

manzil qarib aane lagi

qadam rukne lage

aankhon ka sara nur

mujtama kar ke dekha

roTi ek hisar mein jagmaga rahi thi

jannat se nikale jaane se le kar aaj tak

talab ka aaKHiri maqam bhuk hai