taqaza

ḳhirman-e-ehsās par bijlī girāte jā.iye

ishq ke bedār sho.aloñ ko bujhāte jā.iye

jis ne baḳhshā thā zamīr-e-rūh ko rāz-e-hayāt

haañ usī andāz se phir gungunāte jā.iye

bārish-e-ġham-hā-e-paiham se fazā hai sogvār

aap jaate haiñ to dam bhar muskurāte jā.iye

ishq ke siine meñ maddham ho rahī hai raushnī

ik zarā is sham.a kī lau ko baḌhāte jā.iye

khā rahā huuñ phir fareb-e-kā.enāt-e-rang-o-bū

ye naqāb-e-vahm āñkhoñ se uThāte jā.iye

KHirman-e-ehsas par bijli giraate jaiye

ishq ke bedar shoalon ko bujhate jaiye

jis ne baKHsha tha zamir-e-ruh ko raaz-e-hayat

han usi andaz se phir gungunate jaiye

barish-e-gham-ha-e-paiham se faza hai sogwar

aap jate hain to dam bhar muskuraate jaiye

ishq ke sine mein maddham ho rahi hai raushni

ek zara is shama ki lau ko baDhate jaiye

kha raha hun phir fareb-e-kaenat-e-rang-o-bu

ye naqab-e-wahm aankhon se uThate jaiye