tasalli

apnī apnī rāhoñ par muddat tak chalte chalte

aaj achānak ik chaurāhe par jo tum se mel huā

to maiñ ne terī gahrī āñkhoñ meñ jhāñkā

aur chauñk uThī

in meñ tapte sahrāoñ kā baserā thā

aur duur duur tak vīrāne the

riit ke dhuñdle dhuñdle bādal uḌte phirte the

lekin maiñ ne ek lamhe ko ye manzar bhī dekh liyā

ki tapte jalte sahrāoñ meñ

mere naam kā ik āñsū, ik ThanDā mīThā naḳhlistān bhī ugā huā thā

apni apni rahon par muddat tak chalte chalte

aaj achanak ek chaurahe par jo tum se mel hua

to main ne teri gahri aankhon mein jhanka

aur chaunk uThi

in mein tapte sahraon ka basera tha

aur dur dur tak virane the

rit ke dhundle dhundle baadal uDte phirte the

lekin main ne ek lamhe ko ye manzar bhi dekh liya

ki tapte jalte sahraon mein

mere nam ka ek aansu, ek ThanDa miTha naKHlistan bhi uga hua tha