Thahre hue mausam ki ek nazm

kabhī muñh se āvāz hāthoñ se qismat aur āñkhoñ se pahlī masarrat kā paanī gire

to use mat uThānā

kabhī raat kī shaal se chāñd sāloñ kī muTThī se ḳhushbū zamīnoñ kī jholī se ḳhurāk

aur dil se qurbat kī ḳhvāhish gire

to use uThānā

kabhī shaam ke ghoñsle se parinda fajr se ibādat kā choġhā pahāḌoñ se

sarmā kā pahlā meñh gire

to use mat uThānā

kabhī āsmānoñ se harf-e-munājāt shāhīn kī āñkhoñ se aañsū havāoñ

se lambe safar kī hikāyat

ġhulāmoñ ke dāman se āzād sub.hoñ kī saa.at gire

to use mat uThānā

kabhī paañv se hausla aam ke peḌ se baur bachchoñ kī muTThī se lorī aur fasloñ pe

phailī huī dhuup kaT kar gire

to use mat uThānā

nigāh apne dushman pe rakhnā

safar ko amānat samajhnā

aur a.asāb jhukne na denā

ki sab chīzeñ apne se behtar ko apnī jagah de ga.ī haiñ

kabhi munh se aawaz hathon se qismat aur aankhon se pahli masarrat ka pani gire

to use mat uThana

kabhi raat ki shaal se chand salon ki muTThi se KHushbu zaminon ki jholi se KHurak

aur dil se qurbat ki KHwahish gire

to use uThana

kabhi sham ke ghonsle se parinda fajr se ibaadat ka chogha pahaDon se

sarma ka pahla meinh gire

to use mat uThana

kabhi aasmanon se harf-e-munajat shahin ki aankhon se aansu hawaon

se lambe safar ki hikayat

ghulamon ke daman se aazad subhon ki saat gire

to use mat uThana

kabhi panw se hausla aam ke peD se baur bachchon ki muTThi se lori aur faslon pe

phaili hui dhup kaT kar gire

to use mat uThana

nigah apne dushman pe rakhna

safar ko amanat samajhna

aur aasab jhukne na dena

ki sab chizen apne se behtar ko apni jagah de gai hain