tifl-e-arzu

ek mujavvaf adse se

maiñ duniyā ko dekh rahā thā

jañgal maidāñ ret ke Tiile

saql-e-zamīñ se apnā rishta toḌ rahe the

duur kināre dariyā ke

saath purānā chhoḌ rahe the

bahtī havāoñ ke dāman ko

girte parbat thaam rahe the

aur un sab ke pīchhe

merī āñkheñ phail ga.ī thiiñ

merī naak bahut lambī thī

vo bolī pahchāno

āhista se pīchhe aa kar kis ne āñkheñ mūñdeñ

adsa pheñk ke maiñ ne us ke dast-e-hinā.ī thaam liye

aur us kī āġhosh meñ chhup kar

jaane kab tak royā

ek mujawwaf adse se

main duniya ko dekh raha tha

jangal maidan ret ke Tile

saql-e-zamin se apna rishta toD rahe the

dur kinare dariya ke

sath purana chhoD rahe the

bahti hawaon ke daman ko

girte parbat tham rahe the

aur un sab ke pichhe

meri aankhen phail gai thin

meri nak bahut lambi thi

wo boli pahchano

aahista se pichhe aa kar kis ne aankhen munden

adsa phenk ke main ne us ke dast-e-hinai tham liye

aur us ki aaghosh mein chhup kar

jaane kab tak roya