tin rang ek rang

tum patang ban ke havāoñ meñ tairtī phiro

aur Dor mire hāthoñ ko kāTtī rahe

par par zaḳhmī aur āñkheñ tere rangoñ meñ uljhī raheñ

lahū bahtā rahe

aur aas tujhe chāhne kī

āsmān ban ke tire chāroñ taraf bikhar jaa.e

shaam utre to terī āñkhoñ kā rang

mujhe apnī panāh meñ sameT le

aur terī rāhoñ par merā ik ik lams bikher de

terī rāhoñ kā kuchh patā to hogā

aur tere vaqt kī koī manzil to hogī jaan

(2)

ek maiñ tanhā ek vo tanhā

ek vo jis se maiñ tumhārī kathā kahtā huuñ

ek vo jo kisī kī kathā se mujh meñ zinda

aur tum tanhā

lo ye bhī koī baat huī tum ne kahā

haañ ye bāteñ aur in bātoñ ke nukīle kuñgre

jab terī jaan meñ aTakte haiñ

to tumhāre nāḳhunoñ meñ aisī shafaq dahaktī hai

jo sun na sake kuchh kah na sake

tab merī umañgoñ par ik aag lahrātī hai

aur maiñ tujhe un ḳhud-rav jañgalī phūloñ se tashbīh detā huuñ

jo sirf apnī vahshat meñ zinda rahte haiñ

(3)

zaḳhm khul ga.e haiñ jānāñ

aur havā.eñ chāroñ taraf se umDī paḌī haiñ

tum patang ban ke hawaon mein tairti phiro

aur Dor mere hathon ko kaTti rahe

par par zaKHmi aur aankhen tere rangon mein uljhi rahen

lahu bahta rahe

aur aas tujhe chahne ki

aasman ban ke tere chaaron taraf bikhar jae

sham utre to teri aankhon ka rang

mujhe apni panah mein sameT le

aur teri rahon par mera ek ek lams bikher de

teri rahon ka kuchh pata to hoga

aur tere waqt ki koi manzil to hogi jaan

(2)

ek main tanha ek wo tanha

ek wo jis se main tumhaari katha kahta hun

ek wo jo kisi ki katha se mujh mein zinda

aur tum tanha

lo ye bhi koi baat hui tum ne kaha

han ye baaten aur in baaton ke nukile kungre

jab teri jaan mein aTakte hain

to tumhaare naKHunon mein aisi shafaq dahakti hai

jo sun na sake kuchh kah na sake

tab meri umangon par ek aag lahraati hai

aur main tujhe un KHud-raw jangali phulon se tashbih deta hun

jo sirf apni wahshat mein zinda rahte hain

(3)

zaKHm khul gae hain jaanan

aur hawaen chaaron taraf se umDi paDi hain