tere liye

phir dil hai aaj ġharq-e-tamannā tire liye

aa muztarib hai ishq kī duniyā tire liye

vahshat baras rahī hai gulistāñ meñ har taraf

hai chāk-chāk dāman-e-sahrā tire liye

terī nigāh-e-mast kī mushtāq hai bahār

sāġhar meñ hai ye larzish-e-sahbā tire liye

muddat se ārzū-e-tamāshā hai sogvār

muddat se mahv-e-dard hai duniyā tire liye

dil aur chashm-e-shauq kī manzil ke darmiyāñ

vā he masarratoñ kā darīcha tire liye

ye chāñdnī ye mauj-e-ravāñ aur ye do jaam

aa dekh ehtimām hai kyā kyā tire liye

ye sabza-e-latīf ye bhīgī huī havā

ik gulsitāñ hai sāhil-e-dariyā tire liye

'jauhar' kahāñ hayāt kī ye kashmakash kahāñ

hai merī zindagī kī tamanna tire liye

phir dil hai aaj gharq-e-tamanna tere liye

aa muztarib hai ishq ki duniya tere liye

wahshat baras rahi hai gulistan mein har taraf

hai chaak-chaak daman-e-sahra tere liye

teri nigah-e-mast ki mushtaq hai bahaar

saghar mein hai ye larzish-e-sahba tere liye

muddat se aarzu-e-tamasha hai sogwar

muddat se mahw-e-dard hai duniya tere liye

dil aur chashm-e-shauq ki manzil ke darmiyan

wa he masarraton ka daricha tere liye

ye chandni ye mauj-e-rawan aur ye do jam

aa dekh ehtimam hai kya kya tere liye

ye sabza-e-latif ye bhigi hui hawa

ek gulsitan hai sahil-e-dariya tere liye

'jauhar' kahan hayat ki ye kashmakash kahan

hai meri zindagi ki tamanna tere liye