teri aawaz ke dhoke

fazāoñ meñ khanakte haiñ tirī āvāz ke dhoke

kabhī jab gaañv kī afsurda rāhoñ se guzarte haiñ

bulāte haiñ hameñ bāġhoñ meñ purvā ke ḳhunuk jhoñke

chhupā hogā to un kunjoñ meñ ye ḳhadshe ubharte haiñ

thirakte nāchte bachche chahakte manchale panchhī

simaTtī revaḌeñ maidān meñ āvāz gvāloñ kī

larazte giit kī lai meñ udāsī gholtī bansī

daraḳhtoñ kī qatāreñ ūñghtī bastī ye pagDanDī

jahāñ tak dekhtā jā.ūñ chhalāve hī chhalāve haiñ

ufuq tak saarī vaadī meñ ishāre hī ishāre haiñ

chale aao tumheñ ehsās ke manzar bulāte haiñ

mirī āñkhoñ meñ ummīdoñ ke jugnū jhilmilāte haiñ

charāġhoñ ko jalā detā hai baḌh kar Dūbtā sūraj

zamīñ par chhoḌtā jaatā hai apne naqsh-e-pā sūraj

tumhārī kaalī zulfoñ se nichuḌ kar raat aa.ī hai

pighal kar jazb ho jaatā hai dil meñ khaultā sūraj

thakā haarā huā raahī sā vāpas lauT aatā huuñ

luTe sunsān kamre meñ paḌe vīrān bistar par

fazaon mein khanakte hain teri aawaz ke dhoke

kabhi jab ganw ki afsurda rahon se guzarte hain

bulate hain hamein baghon mein purwa ke KHunuk jhonke

chhupa hoga to un kunjon mein ye KHadshe ubharte hain

thirakte nachte bachche chahakte manchale panchhi

simaTti rewaDen maidan mein aawaz gwalon ki

larazte git ki lai mein udasi gholti bansi

daraKHton ki qataren unghti basti ye pagDanDi

jahan tak dekhta jaun chhalawe hi chhalawe hain

ufuq tak sari wadi mein ishaare hi ishaare hain

chale aao tumhein ehsas ke manzar bulate hain

meri aankhon mein ummidon ke jugnu jhilmilate hain

charaghon ko jala deta hai baDh kar Dubta suraj

zamin par chhoDta jata hai apne naqsh-e-pa suraj

tumhaari kali zulfon se nichuD kar raat aai hai

pighal kar jazb ho jata hai dil mein khaulta suraj

thaka haara hua rahi sa wapas lauT aata hun

luTe sunsan kamre mein paDe viran bistar par