teri aawaz sun kar

bahut din baa'd

tū ne aaj mujh se baat kī hai

tere lahje ne

mirā chehra kuchh itne pyaar se chūmā

ki dil ke jāda-e-be-ḳhvāb par

āvāz ke gulnār mausam kī mulā.em chaap

phūloñ kī tarah utrī

koī nanhā sā jugnū

ḳhush-gumānī kā libāda oḌh kar

āñkhoñ ke goshoñ tak chalā aaya

shagūfoñ kī tarah khilte hue

terī sadā ke naġhmagīñ mausam

kisī taaza havā kī lahr se

shahr-e-samā.at ko bhigo.e jā rahe haiñ

mire dil kī hathelī par jale saare diye

mere badan meñ

nuur kī dastak piro.e jā rahe haiñ

ye ham bhī kyā

achānak milne vaalī

is ḳhushī kī narm bāñhoñ se lipaT kar

musalsal aaj ro.e jā rahe haiñ

bahut din ba'd

tu ne aaj mujh se baat ki hai

tere lahje ne

mera chehra kuchh itne pyar se chuma

ki dil ke jada-e-be-KHwab par

aawaz ke gulnar mausam ki mulaem chap

phulon ki tarah utri

koi nanha sa jugnu

KHush-gumani ka libaada oDh kar

aankhon ke goshon tak chala aaya

shagufon ki tarah khilte hue

teri sada ke naghmagin mausam

kisi taza hawa ki lahr se

shahr-e-samaat ko bhigoe ja rahe hain

mere dil ki hatheli par jale sare diye

mere badan mein

nur ki dastak piroe ja rahe hain

ye hum bhi kya

achanak milne wali

is KHushi ki narm banhon se lipaT kar

musalsal aaj roe ja rahe hain