tohfa-e-darwesh

bahr-e-ġham meñ hai saḳht tuġhyānī

sar se uupar guzar gayā paanī

kab tak ai nuz.hat-e-barishta-jigar

shor yā rab se arsh-e-jumbānī

rone-dhone se jaan khone se

kahīñ bante haiñ kaam dīvānī

dard-e-dil dard-āfrīñ ko sunā

kar guzar jī meñ hai jo kuchh Thānī

dasht-e-vahdat hai dasht-e-vahdat hai

dekh āhista kar faras-rānī

be-ḳhabar pahle naqsh kar dil par

azmat-e-bārgāh-e-yazdānī

māya-e-rshk yaañ bazā.at-e-mor

hech vaañ shaukat-e-sulaimānī

pahle de sadqa mā-sivā allāh

pahle kar jān-o-dil kī qurbānī

chāhiye bahar-e-nazar-e-jins-e-garāñ

chāhiye ḳhuuñ ko bashud afshānī

sadaf-e-fikr se nikāl guhar

tar-ba-tar kar araq se peshānī

nuz.hat-e-be-navā hai hadiya ba-dast

ho qubūl-e-janāb-e-sultānī

hadiya kyā ek saada daftar par

likh ke laa.ī huuñ lafz-e-lā-sānī

diiñ hai ulfat vatan faġhānistāñ

urf majnūñ hai pesha hassānī

bahr-e-gham mein hai saKHt tughyani

sar se upar guzar gaya pani

kab tak ai nuzhat-e-barishta-jigar

shor ya rab se arsh-e-jumbani

rone-dhone se jaan khone se

kahin bante hain kaam diwani

dard-e-dil dard-afrin ko suna

kar guzar ji mein hai jo kuchh Thani

dasht-e-wahdat hai dasht-e-wahdat hai

dekh aahista kar faras-rani

be-KHabar pahle naqsh kar dil par

azmat-e-bargah-e-yazdani

maya-e-rshk yan bazaat-e-mor

hech wan shaukat-e-sulaimani

pahle de sadqa ma-siwa allah

pahle kar jaan-o-dil ki qurbani

chahiye bahar-e-nazar-e-jins-e-garan

chahiye KHun ko bashud afshani

sadaf-e-fikr se nikal guhar

tar-ba-tar kar araq se peshani

nuzhat-e-be-nawa hai hadiya ba-dast

ho qubul-e-janab-e-sultani

hadiya kya ek sada daftar par

likh ke lai hun lafz-e-la-sani

din hai ulfat watan faghanistan

urf majnun hai pesha hassani