tohfa

mire dost ne

mujh ko tohfa diyā

ek surḳh aur sundar gulāb

mire janm din se kuchh is kā ta'alluq na thā

ye thā shukriye kī nishānī

ki maiñ ne jo kuchh us kī imdād kī thī

vo gul rakh diyā maiñ ne ik ḳhūbsūrat se bartan ke andar

ye bartan thā vaise baḌā ḳhūbsūrat

magar us gul-e-surḳh jaisā na thā

ye kaalā thā bas jaise kavvā pahāḌī

vo taḳhlīq qudrat kī

sundar suhānī

mire dhuñdle kamre meñ laa.ī

ḳhushī kī kiran

āftābī chamak kī phuvār

aur mast kartī mahak

jis ne har āte-jāte ko mas.hūr sā kar diyā

maiñ ne us ko baḌā be-intihā pyaar baḳhshā

us ko paanī diyā dekhā-bhālā

merā din hī shurūa hotā thā

us ḳhushnumā tohfe par

mohabbat-bharī sarsarī nazar Dālne se

magar in sabhī ke liye

phir mujhe kyā milā

ek din jo bilā-alvidā.a hī kahe

phuul murjhā gayā phuul mar hī gayā

mere dost ne

mujh ko tohfa diya

ek surKH aur sundar gulab

mere janm din se kuchh is ka ta'alluq na tha

ye tha shukriye ki nishani

ki main ne jo kuchh us ki imdad ki thi

wo gul rakh diya main ne ek KHubsurat se bartan ke andar

ye bartan tha waise baDa KHubsurat

magar us gul-e-surKH jaisa na tha

ye kala tha bas jaise kawwa pahaDi

wo taKHliq qudrat ki

sundar suhani

mere dhundle kamre mein lai

KHushi ki kiran

aaftabi chamak ki phuwar

aur mast karti mahak

jis ne har aate-jate ko mashur sa kar diya

main ne us ko baDa be-intiha pyar baKHsha

us ko pani diya dekha-bhaala

mera din hi shurua hota tha

us KHushnuma tohfe par

mohabbat-bhari sarsari nazar Dalne se

magar in sabhi ke liye

phir mujhe kya mila

ek din jo bila-alwidaa hi kahe

phul murjha gaya phul mar hi gaya