bahut qarib ho tum

bahut qarīb ho tum phir bhī mujh se kitnī duur

ki dil kahīñ hai nazar hai kahīñ kahīñ tum ho

vo jis ko pī na sakī merī shola-āshāmī

vo kūza-e-shakar o jām-e-ambagīñ tum ho

mire mizāj meñ āshuftagī sabā kī hai

milī kalī kī adā gul kī tamkanat tum ko

sabā kī god meñ phir bhī sabā se begāna

tamām husn o haqīqat tamām afsāna

vafā bhī jis pe hai nāzāñ vo bevafā tum ho

jo kho ga.ī hai mire dil kī vo sadā tum ho

bahut qarīb ho tum phir bhī mujh se kitnī duur

hijāb-e-jism abhī hai hijāb-e-rūh abhī

abhī to manzil-e-sad-mehr-o-māh baaqī hai

hijāb-e-fāsla-hā-e-nigāh baaqī hai

visāl-e-yār abhī tak hai aarzū kā fareb

bahut qarib ho tum phir bhi mujh se kitni dur

ki dil kahin hai nazar hai kahin kahin tum ho

wo jis ko pi na saki meri shola-ashami

wo kuza-e-shakar o jam-e-ambagin tum ho

mere mizaj mein aashuftagi saba ki hai

mili kali ki ada gul ki tamkanat tum ko

saba ki god mein phir bhi saba se begana

tamam husn o haqiqat tamam afsana

wafa bhi jis pe hai nazan wo bewafa tum ho

jo kho gai hai mere dil ki wo sada tum ho

bahut qarib ho tum phir bhi mujh se kitni dur

hijab-e-jism abhi hai hijab-e-ruh abhi

abhi to manzil-e-sad-mehr-o-mah baqi hai

hijab-e-fasla-ha-e-nigah baqi hai

visal-e-yar abhi tak hai aarzu ka fareb