buzdil

dayār-e-barg-e-rā.anā se

guzartā huuñ

to mujh ko ḳhauf aatā hai

dam-e-lams-e-pareshāñ se

sadā-e-dīda-e-tar se

maiñ us ke rañg ko

ḳhushbū ko us kī naġhmagī ko

hādisa majrūh-o-dāmānda na kar Daalo

ḳhumār-e-ārzū kī intihā par

maiñ qalam kartā huuñ apnī uñgliyoñ ko

putliyoñ kī bastiyoñ meñ

jagmagāte sab sitāroñ ko bujhātā huuñ

maiñ tāzīm-e-adā-e-nūr ke hañgām meñ

mānūs chehroñ

aur āvāzoñ ke sāhil par

sar-e-mauj-e-farāvāñ

raushnī kā jarā anjām piitā huuñ

maiñ apne har safar kī kī āḳhirī qurbat kī manzil huuñ

maiñ buzdil huuñ

dayar-e-barg-e-raana se

guzarta hun

to mujh ko KHauf aata hai

dam-e-lams-e-pareshan se

sada-e-dida-e-tar se

main us ke rang ko

KHushbu ko us ki naghmagi ko

hadisa majruh-o-damanda na kar Dalo

KHumar-e-arzu ki intiha par

main qalam karta hun apni ungliyon ko

putliyon ki bastiyon mein

jagmagate sab sitaron ko bujhata hun

main tazim-e-ada-e-nur ke hangam mein

manus chehron

aur aawazon ke sahil par

sar-e-mauj-e-farawan

raushni ka jara anjam pita hun

main apne har safar ki ki aaKHiri qurbat ki manzil hun

main buzdil hun