tujhse jab aankh laDi

tujh se jab aañkh laḌī go ye manzil thī kaḌī

maiñ ne us manzil-e-dushvār ko āsāñ samjhā

ḳhār-zār-e-rah-e-ulfat ko gulistāñ samjhā

vādī-e-ġham ke ḳham-o-pech kā ehsās na thā

kisī mushkil kisī uljhan kā mujhe paas na thā

tujh se jab aañkh laḌī goyā manzil thī kaḌī

maiñ ne us manzil-e-dushvār ko āsāñ samjhā

thā jo tū pesh-e-nazar rāt-din shām-o-sahar

kis qadar thī mire jazbāt kī duniyā rangīñ

thā nigāhoñ meñ zamāne kā zamānā rangīñ

na ġham-e-hijr thā nai mātam-e-tanhā.ī thā

husn-e-sāda thā tamāshā meñ tamāshā.ī thā

tujh se jab aañkh laḌī goyā manzil thī kaḌī

maiñ ne us manzil-e-dushvār ko āsāñ samjhā

vo mirā josh-e-junūñ sehr thā yā ki fusūñ

kar diyā jis ne mire hausle ko itnā buland

chāñd sūraj pe bhī Dālne jaatā thā kamand

kuchh baḌī baat na thī mere liye koh-kanī

dasht-o-sahrā meñ vo be-bāk mirī gāmzanī

tujh se jab aañkh laḌī go ye manzil thī kaḌī

maiñ ne us manzil-e-dushvār ko āsāñ samjhā

thā mire dil kā jahāñ mast-o-masrūr-o-javāñ

yās-o-hasrat kise kahte haiñ ye mā'lūm na thā

mere nazdīk alam kā koī mafhūm na thā

jis tarah zulmat-e-shab jalva-e-bedār meñ gum

talḳhiyāñ ziist kī thiiñ sāġhar-e-sarshār meñ gum

tujh se jab aañkh laḌī go ye manzil thī kaḌī

maiñ ne us manzil-e-dushvār ko āsāñ samjhā

husn-e-rangīñ ne tire lutf-e-shīrīñ ne tire

kar dikhāyā har ik āġhāz kā anjām-e-hasīñ

din hasīñ raat hasīñ sub.h hasīñ shaam hasīñ

rach ga.ī thī mirī rag-rag meñ mohabbat terī

haa.e kyā chiiz thī ulfat tirī chāhat terī

tujh se jab aankh laDi go ye manzil thi kaDi

main ne us manzil-e-dushwar ko aasan samjha

KHar-zar-e-rah-e-ulfat ko gulistan samjha

wadi-e-gham ke KHam-o-pech ka ehsas na tha

kisi mushkil kisi uljhan ka mujhe pas na tha

tujh se jab aankh laDi goya manzil thi kaDi

main ne us manzil-e-dushwar ko aasan samjha

tha jo tu pesh-e-nazar raat-din sham-o-sahar

kis qadar thi mere jazbaat ki duniya rangin

tha nigahon mein zamane ka zamana rangin

na gham-e-hijr tha nai matam-e-tanhai tha

husn-e-sada tha tamasha mein tamashai tha

tujh se jab aankh laDi goya manzil thi kaDi

main ne us manzil-e-dushwar ko aasan samjha

wo mera josh-e-junun sehr tha ya ki fusun

kar diya jis ne mere hausle ko itna buland

chand suraj pe bhi Dalne jata tha kamand

kuchh baDi baat na thi mere liye koh-kani

dasht-o-sahra mein wo be-bak meri gamzani

tujh se jab aankh laDi go ye manzil thi kaDi

main ne us manzil-e-dushwar ko aasan samjha

tha mere dil ka jahan mast-o-masrur-o-jawan

yas-o-hasrat kise kahte hain ye ma'lum na tha

mere nazdik alam ka koi mafhum na tha

jis tarah zulmat-e-shab jalwa-e-bedar mein gum

talKHiyan zist ki thin saghar-e-sarshaar mein gum

tujh se jab aankh laDi go ye manzil thi kaDi

main ne us manzil-e-dushwar ko aasan samjha

husn-e-rangin ne tere lutf-e-shirin ne tere

kar dikhaya har ek aaghaz ka anjam-e-hasin

din hasin raat hasin subh hasin sham hasin

rach gai thi meri rag-rag mein mohabbat teri

hae kya chiz thi ulfat teri chahat teri