tum mera sahaara ho

dūsrā kinārā ho

sābiqa rifāqat kī gum-shuda masāfat kī

dhuup dhuup rāhoñ kā sāya-dār pīpal ho

karb nā-rasā.ī ke

ik siyah samundar meñ tairtā jazīra ho

jis meñ surḳh hoñToñ kī bārisheñ barastī haiñ

ye luTe sipāhī kī āḳhirī panah-gāheñ

āḳhirī machāneñ haiñ

pahlī nā-rasā.ī ke dukh bhare natīje meñ

jism kī rifāqat se ḳhvāhisheñ bachāne ke

zindagī nibhāne ke

bas yūñhī bahāne haiñ

dil nagar pahuñchne ko

aañkh ke alāva bhī be-shumār raste haiñ

dūsrī mohabbat meñ rāste badalte haiñ

tum ko kyā ḳhabar jānāñ

tum se kyā kaheñ jānāñ

tum to barf-mausam meñ aag kā alaav ho

dard kī thakānoñ meñ ruuh kā paḌāv ho

dūsrī mohabbat ho

dusra kinara ho

sabiqa rifaqat ki gum-shuda masafat ki

dhup dhup rahon ka saya-dar pipal ho

karb na-rasai ke

ek siyah samundar mein tairta jazira ho

jis mein surKH honTon ki barishen barasti hain

ye luTe sipahi ki aaKHiri panah-gahen

aaKHiri machanen hain

pahli na-rasai ke dukh bhare natije mein

jism ki rifaqat se KHwahishen bachane ke

zindagi nibhane ke

bas yunhi bahane hain

dil nagar pahunchne ko

aankh ke alawa bhi be-shumar raste hain

dusri mohabbat mein raste badalte hain

tum ko kya KHabar jaanan

tum se kya kahen jaanan

tum to barf-mausam mein aag ka alaw ho

dard ki thakanon mein ruh ka paDaw ho

dusri mohabbat ho