tumne KHud-kushi kyon ki

maiñ ḳhud-kushī na kartā to mar jaatā

maiñ ne bachchoñ kī āñkhoñ meñ

ḳhvāhisheñ bilaktī dekhīñ to

āñgan meñ

seboñ ke bonsai daraḳht lagā diye

jab bachche baḌe hue

aur unhoñ ne seb toḌnā chāhe

seboñ ke daraḳht khajūroñ ke daraḳht ban ga.e

bachchoñ ke haath

duāoñ kī tarah uThe rahe ga.e

maiñ ne khajūr ke tane ko bāñhoñ meñ le liyā

aur zaḳhmī pairoñ se dauḌtā

uupar chaḌh gayā

to vahāñ seb nahīñ the

maiñ ne bachchoñ kī phailī huī jholiyāñ dekhīñ

aur un meñ chhalāñg lagā dī

main KHud-kushi na karta to mar jata

main ne bachchon ki aankhon mein

KHwahishen bilakti dekhin to

aangan mein

sebon ke bonsai daraKHt laga diye

jab bachche baDe hue

aur unhon ne seb toDna chahe

sebon ke daraKHt khajuron ke daraKHt ban gae

bachchon ke hath

duaon ki tarah uThe rahe gae

main ne khajur ke tane ko banhon mein le liya

aur zaKHmi pairon se dauDta

upar chaDh gaya

to wahan seb nahin the

main ne bachchon ki phaili hui jholiyan dekhin

aur un mein chhalang laga di