tumhaare jaisa koi nahin hai

mohabbatoñ kī mahaktī shāmoñ kā dilrubā sā ḳhayāl tum ho

ḳhulūs anmol hai tumhārā

suno sarāpā jamāl tum ho

kamāl tum ho

mire liye zindagī kī zinda misāl tum ho

vo kah rahī thī

hasīn ḳhvāboñ kī chilmanoñ se

maiñ tum ko suntī huuñ dhaḌkanoñ se

to ḳhushbū aatī hai kanganoñ se

mujhe tumhāre gudāz lahje se lutf aatā hai zindagī kā

tumhī se rishta hai har ḳhushī kā

vo kah rahī thii.

maiñ sun rahā thā

maiñ zer-e-lab muskurāhaTeñ us kī chun rahā thā

maiñ us ke lafzoñ se

taaza nazmoñ kā tānā-bānā sā bun rahā thā

ki dil jo haarā

to us ke hoñToñ pe narm ehsās se bharā apnā haath rakh kar

kahā ḳhudārā

suno to yaarā

tumhārī āñkhoñ se dekhtā huuñ to saarī duniyā bahut hasīñ hai

jo merī nazroñ se tum bhī dekho

tumhāre jaisā koī nahīñ hai

mohabbaton ki mahakti shamon ka dilruba sa KHayal tum ho

KHulus anmol hai tumhaara

suno sarapa jamal tum ho

kamal tum ho

mere liye zindagi ki zinda misal tum ho

wo kah rahi thi

hasin KHwabon ki chilmanon se

main tum ko sunti hun dhaDkanon se

to KHushbu aati hai kanganon se

mujhe tumhaare gudaz lahje se lutf aata hai zindagi ka

tumhi se rishta hai har KHushi ka

wo kah rahi thi

main sun raha tha

main zer-e-lab muskurahaTen us ki chun raha tha

main us ke lafzon se

taza nazmon ka tana-bana sa bun raha tha

ki dil jo haara

to us ke honTon pe narm ehsas se bhara apna hath rakh kar

kaha KHudara

suno to yara

tumhaari aankhon se dekhta hun to sari duniya bahut hasin hai

jo meri nazron se tum bhi dekho

tumhaare jaisa koi nahin hai