tumhaare liye meri aaKHiri nazm

ye shahar chāhe hazār sadiyoñ kī jiddatoñ kā libās pahne

yahāñ ke baasī bhale koī bhī zabān boleñ

vafā ke ma.anī vafā raheñge

diloñ ke mausam meñ pat-jhaḌoñ kā savāl kaisā

ḳhizāñ se mohlat na paane vaale

havā kī bātoñ meñ aane vaale

larazte girte bikharte patte

junūñ kī shāḳhoñ pe ishq ban kar ugā kareñge

bichhaḌte rasto

kisī ke naqsh-e-qadam pe likkhī

mohabbatoñ kā ḳhayāl karnā

kabhī añdhere meñ dhuup nikle to

chāñdnī se savāl karnā

vo aadmī jo havā se ḳhushbū nithār letā thā

ab kahāñ hai

dhueñ ko vāpas jo sho.alagī meñ utaar letā thā

ab kahāñ hai

vo apnī vahshat ke bal pe zinda

vafā ke mausam kā ik parinda

jo dil ke pinjre meñ be-gunāhī bhugat rahā hai

sukūñ na aa.e to us se milnā

kabhī mohabbat meñ ġharq ho kar

vo apnī nazroñ se dekhtā hai

diloñ ko duniyā se farq ho kar

ye shahar chahe hazar sadiyon ki jiddaton ka libas pahne

yahan ke basi bhale koi bhi zaban bolen

wafa ke mani wafa rahenge

dilon ke mausam mein pat-jhaDon ka sawal kaisa

KHizan se mohlat na pane wale

hawa ki baaton mein aane wale

larazte girte bikharte patte

junun ki shaKHon pe ishq ban kar uga karenge

bichhaDte rasto

kisi ke naqsh-e-qadam pe likkhi

mohabbaton ka KHayal karna

kabhi andhere mein dhup nikle to

chandni se sawal karna

wo aadmi jo hawa se KHushbu nithaar leta tha

ab kahan hai

dhuen ko wapas jo shoalagi mein utar leta tha

ab kahan hai

wo apni wahshat ke bal pe zinda

wafa ke mausam ka ek parinda

jo dil ke pinjre mein be-gunahi bhugat raha hai

sukun na aae to us se milna

kabhi mohabbat mein gharq ho kar

wo apni nazron se dekhta hai

dilon ko duniya se farq ho kar