tumhaari boli ki ranginiyan

kitne rangoñ ke naam haiñ

tumhārī bolī meñ

duniyā tumheñ utnī hī rangīn nazar aa.egī

apnī bolī meñ maujūd

sab daraḳhtoñ ke naam yaad karo

taaki baiTh sako har dafa

muḳhtalif naam ke saa.e meñ

barf kī kitnī qismoñ ke naam jānte ho

agar tum eskimo hote

to barf kī biis qismoñ kī pahchān kar paate

kahīñ insānī jazbāt kī

bahut saarī qismeñ to nahīñ haiñ

tumhārī bolī meñ

aisā na ho jazbāt ke sivā

kuchh na ho tumhāre dimāġh meñ

agar log kam ho ga.e haiñ tumhāre aas paas

to rakh lo ek hī shaḳhs ke ka.ī ka.ī naam

aur mohabbat ke liye DhūñDo

bahut saare naam

mere saath mil kar

taaki ham kar sakeñ har dafa

na.e naam kī mohabbat

kitne rangon ke nam hain

tumhaari boli mein

duniya tumhein utni hi rangin nazar aaegi

apni boli mein maujud

sab daraKHton ke nam yaad karo

taki baiTh sako har dafa

muKHtalif nam ke sae mein

barf ki kitni qismon ke nam jaante ho

agar tum eskimo hote

to barf ki bis qismon ki pahchan kar pate

kahin insani jazbaat ki

bahut sari qismen to nahin hain

tumhaari boli mein

aisa na ho jazbaat ke siwa

kuchh na ho tumhaare dimagh mein

agar log kam ho gae hain tumhaare aas pas

to rakh lo ek hi shaKHs ke kai kai nam

aur mohabbat ke liye DhunDo

bahut sare nam

mere sath mil kar

taki hum kar saken har dafa

nae nam ki mohabbat