umr ek na-qabil-e-tardid sachchai hai

bahut pahle meñ apnī maañ kī bāteñ sun ke

un pe ḳhuub hañstī thī

ki ammī aap saarā din kabhī Tāñgoñ kabhī baazū

kabhī sar yā kamar ke dard ke qisse sunātī haiñ

allergy ke ka.ī hamle davā.iyoñ ke ka.ī shikve

hamesha hī batātī haiñ

hamesha shahr ke saare clinic doctor nurseñ

kahāñ pe haiñ yā kaise haiñ

sabhī kuchh jāntī haiñ

un kī bāteñ bhī sunātī haiñ

kabhī to aur koī baat bhī mujh se kiyā kiije

to ammī hañs ke kahtī thiiñ

'samīna' umr ke is daur meñ aur koī baat baaqī hī nahīñ rahtī

aur ab maiñ ḳhud pe hañstī huuñ

mire topic badalte jā rahe haiñ

mere andar umr kī dīmak

ka.ī barsoñ se mujh ko khā rahī hai

aur maiñ chāhūñ bhī to kuchh kar nahīñ saktī

mujhe jab log kahte haiñ

'samīna' aap to is umr meñ bhī

to maiñ ab ḳhud pe hañstī huuñ

maiñ hañstī huuñ

maiñ hañstī huuñ

bahut pahle mein apni man ki baaten sun ke

un pe KHub hansti thi

ki ammi aap sara din kabhi Tangon kabhi bazu

kabhi sar ya kamar ke dard ke qisse sunati hain

allergy ke kai hamle dawaiyon ke kai shikwe

hamesha hi batati hain

hamesha shahr ke sare clinic doctor nursen

kahan pe hain ya kaise hain

sabhi kuchh jaanti hain

un ki baaten bhi sunati hain

kabhi to aur koi baat bhi mujh se kiya kije

to ammi hans ke kahti thin

'samina' umr ke is daur mein aur koi baat baqi hi nahin rahti

aur ab main KHud pe hansti hun

mere topic badalte ja rahe hain

mere andar umr ki dimak

kai barson se mujh ko kha rahi hai

aur main chahun bhi to kuchh kar nahin sakti

mujhe jab log kahte hain

'samina' aap to is umr mein bhi

to main ab KHud pe hansti hun

main hansti hun

main hansti hun