use sab ne dekha

dhuul kī āvāz meñ jal-thal samundar gum hue

dar-band chehre masḳh

bīnā.ī pareshāñ ḳhvāb

poroñ kā lahū bādal

saroñ ke baal ḳhākistar hue

aane vāloñ ne sabā kī ujḌī ḳhushbū

phīke hoñToñ zard kānoñ pe sajā.ī

us ke ghar kā dar khulā

vahshat-zada chehroñ ne dekhā rang bādāmī badan nangā

ḳharāsheñ apne nāḳhun kī amiiñ gum-sum shikasta

rū-e-ā.īna meñ sargoshī huī

reza-reza zarra-zarra pyaas meñ aTtī havā ke silsile

nesh-zan lamhoñ meñ maḳhfī dhaḌkanoñ kā raqs

maddham be-karāñ miTTī se pur

us ne sahrā meñ bikharte bol gosh-e-kārvāñ ban ke sune

din kisī shīshe ke naḳhl-e-sard kī mānind

us ke sūkhte gāloñ kī tarah ḳhushk shaam

sīna-e-ālam khulā us ne apnī zard āñkheñ khol diiñ

raat kā manzar khulā

us ke siine kī siyāhī pairahan bunñe lage

dhul ki aawaz mein jal-thal samundar gum hue

dar-band chehre masKH

binai pareshan KHwab

poron ka lahu baadal

saron ke baal KHakistar hue

aane walon ne saba ki ujDi KHushbu

phike honTon zard kanon pe sajai

us ke ghar ka dar khula

wahshat-zada chehron ne dekha rang baadami badan nanga

KHarashen apne naKHun ki amin gum-sum shikasta

ru-e-aina mein sargoshi hui

reza-reza zarra-zarra pyas mein aTti hawa ke silsile

nesh-zan lamhon mein maKHfi dhaDkanon ka raqs

maddham be-karan miTTi se pur

us ne sahra mein bikharte bol gosh-e-karwan ban ke sune

din kisi shishe ke naKHl-e-sard ki manind

us ke sukhte galon ki tarah KHushk sham

sina-e-alam khula us ne apni zard aankhen khol din

raat ka manzar khula

us ke sine ki siyahi pairahan bunne lage