wapsi

maslahat ek sahelī merī

us ne tumhārī soch pe pābandī aa.ed kī thī

maiñ ne us kā dil rakhne ko haamī bhar lī thī

lekin mujhe akelā pā kar

kal ik nanhā-munnā bhed bharā lamha

kilkārī bhartā aayā

us ne jis kī uñglī thaam rakhī thī

vo to tum the

āñkhoñ meñ shāmeñ utrī thiiñ

ghanī ghanī palkoñ ke pīchhe ik nāranjī shikva Duub rahā thā

kyā maiñ ik pal ko bhī soche jaane laa.eq nahīñ rahā huuñ

chup kī lambī yaḳh-dīvāroñ ko chhūkar

tum lauT ga.e ho

lekin apnā chanchal sāthī pīchhe chhoḌ ga.e ho

aur vo mere chār-sū phere khel khel kar

merā āñchal thāme thāme jaane kyā kyā pūchh pūchh kar thak hī gayā hai

mere kañdhe lag kar ḳhvāboñ ke jhūle meñ jhuul rahā hai

us ke jāgne se pahle

tum us ko lene aa jaao

maslahat ek saheli meri

us ne tumhaari soch pe pabandi aaed ki thi

main ne us ka dil rakhne ko hami bhar li thi

lekin mujhe akela pa kar

kal ek nanha-munna bhed bhara lamha

kilkari bharta aaya

us ne jis ki ungli tham rakhi thi

wo to tum the

aankhon mein shamen utri thin

ghani ghani palkon ke pichhe ek naranji shikwa Dub raha tha

kya main ek pal ko bhi soche jaane laeq nahin raha hun

chup ki lambi yaKH-diwaron ko chhukar

tum lauT gae ho

lekin apna chanchal sathi pichhe chhoD gae ho

aur wo mere chaar-su phere khel khel kar

mera aanchal thame thame jaane kya kya puchh puchh kar thak hi gaya hai

mere kandhe lag kar KHwabon ke jhule mein jhul raha hai

us ke jagne se pahle

tum us ko lene aa jao