wahm

na jaane kyoñ ye lagtā hai

vo vāpas lauT aa.egā

mire hoñToñ ko chūmegā

mujhe siine lagā.egā

pakaḌ kar haath vo merā

vo apne haath meñ ik din

kahegā sab gile shikve bhulā kar

aage baḌhte haiñ

chalo ham saath chalte haiñ

kahīñ ham duur jā kar ke

na.ī duniyā basāte haiñ

mohabbat kā koī naġhma

baham ham gungunāte haiñ

magar sach aur hī kuchh hai

vo bilkul bhī nahīñ aisā

ki na hargiz vo aa.egā

na mere hoñT chūmegā

na siine se lagā.egā

faqat ye vahm merā hai

vo vāpas lauT aa.egā

na jaane kyon ye lagta hai

wo wapas lauT aaega

mere honTon ko chumega

mujhe sine lagaega

pakaD kar hath wo mera

wo apne hath mein ek din

kahega sab gile shikwe bhula kar

aage baDhte hain

chalo hum sath chalte hain

kahin hum dur ja kar ke

nai duniya basate hain

mohabbat ka koi naghma

baham hum gungunate hain

magar sach aur hi kuchh hai

wo bilkul bhi nahin aisa

ki na hargiz wo aaega

na mere honT chumega

na sine se lagaega

faqat ye wahm mera hai

wo wapas lauT aaega