wajud

batāo kaun gum huaa, vo ham-nafas gayā kahāñ

nuqūsh-e-pā sunā rahe haiñ aaj kis kī dāstāñ

ye raat, din ke silsile jo haiñ hamāre darmiyāñ

hamārī koī ibtidā na hai hamārī intihā

bas ik muhīb fāsla

bas ik ajiib silsila

ye jo bhī kuchh nazar meñ hai

safar meñ hai, safar meñ hai

jo rāzdān-e-vaqt the

unheñ kahīñ se laao ab

sañvār deñ jo zindagī jo āgahī atā kareñ

vo be-niyāz aadmī

ki jaise koī raushnī

vo hast-o-būd āshnā

vo jin kā ilm lā-zavāl o be-karāñ

na gum haiñ vo na duur haiñ

jo dil kī aañkh band ho to is meñ un kī kyā ḳhatā

batāo kaun gum huā vo ham-nafas gayā kahāñ

nuqūsh-e-pā sunā rahe haiñ aaj kis kī dāstāñ

batao kaun gum hua, wo ham-nafas gaya kahan

nuqush-e-pa suna rahe hain aaj kis ki dastan

ye raat, din ke silsile jo hain hamare darmiyan

hamari koi ibtida na hai hamari intiha

bas ek muhib fasla

bas ek ajib silsila

ye jo bhi kuchh nazar mein hai

safar mein hai, safar mein hai

jo raazdan-e-waqt the

unhen kahin se lao ab

sanwar den jo zindagi jo aagahi ata karen

wo be-niyaz aadmi

ki jaise koi raushni

wo hast-o-bud aashna

wo jin ka ilm la-zawal o be-karan

na gum hain wo na dur hain

jo dil ki aankh band ho to is mein un ki kya KHata

batao kaun gum hua wo ham-nafas gaya kahan

nuqush-e-pa suna rahe hain aaj kis ki dastan