waqt bita hai magar
apne biite hue lamhoñ ke darīchoñ se mujhe
duur tak ḳhvāb ke vīrāne nazar aate haiñ
apnī sochī huī bātoñ pe hañsī aatī hai
tere va.ade mujhe afsāne nazar aate haiñ
itne aañsū mirī palkoñ meñ ubhar aa.e haiñ
Dūbtā jaatā huuñ har buuñd kī gahrā.ī meñ
kyā mayassar ho sukūn-e-dil-o-dīda mujh ko
talḳhī-e-dard se sahmī huī tanhā.ī meñ
merī aahoñ ke pas-e-parda Dhaleñge naġhme
aur kuchh ġham kī zarūrat hai tarannum ke liye
husn ban kar lab-e-la.alīñ pe bikhar jā.ūñgā
rañg de jā.ūñgā afsurda tabassum ke liye
terī duniyā hai chamakte hue shīshoñ kā mahal
jis ko hālāt ke dhāre nahīñ chhūne paa.e
terī afshāñ meñ sitāre meñ farozāñ kyā kyā
ġham ke bādal ye sitāre nahīñ chhūne paa.e
merī hamdam tirī duniyā se nahīñ kuchh matlab
mujh ko to pyaar hai apne inhīñ vīrānoñ se
haañ magar tujh se mirī duniyā meñ hai qaus-e-quzah
goyā afsāna judā hai tire afsānoñ se
dil ke shīshe meñ tirā aks hai aur kuchh bhī nahīñ
tū mirā ḳhvāb bhī hai ḳhvāb kī ta.abīr bhī hai
ye tirā tark-e-ta.alluq bhī hai ik rabt-e-ḳhāmosh
merī jaañ dekh tire paañv meñ zanjīr bhī hai
mere ehsās ke zaḳhmoñ kā muqaddar jaage
tujh meñ pahle se vo andāz nazar lauT aa.eñ
vaqt biitā hai magar umr nahīñ biitī hai
tū jo chāhe to vahī shām-o-sahar lauT aa.eñ
apne bite hue lamhon ke darichon se mujhe
dur tak KHwab ke virane nazar aate hain
apni sochi hui baaton pe hansi aati hai
tere wade mujhe afsane nazar aate hain
itne aansu meri palkon mein ubhar aae hain
Dubta jata hun har bund ki gahrai mein
kya mayassar ho sukun-e-dil-o-dida mujh ko
talKHi-e-dard se sahmi hui tanhai mein
meri aahon ke pas-e-parda Dhalenge naghme
aur kuchh gham ki zarurat hai tarannum ke liye
husn ban kar lab-e-lalin pe bikhar jaunga
rang de jaunga afsurda tabassum ke liye
teri duniya hai chamakte hue shishon ka mahal
jis ko haalat ke dhaare nahin chhune pae
teri afshan mein sitare mein farozan kya kya
gham ke baadal ye sitare nahin chhune pae
meri hamdam teri duniya se nahin kuchh matlab
mujh ko to pyar hai apne inhin viranon se
han magar tujh se meri duniya mein hai qaus-e-quzah
goya afsana juda hai tere afsanon se
dil ke shishe mein tera aks hai aur kuchh bhi nahin
tu mera KHwab bhi hai KHwab ki tabir bhi hai
ye tera tark-e-talluq bhi hai ek rabt-e-KHamosh
meri jaan dekh tere panw mein zanjir bhi hai
mere ehsas ke zaKHmon ka muqaddar jage
tujh mein pahle se wo andaz nazar lauT aaen
waqt bita hai magar umr nahin biti hai
tu jo chahe to wahi sham-o-sahar lauT aaen
- Book : Dard aashna (Pg. 29)
- Author : Abdullah Sajid
- Publication : Abdullah Sajid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.