waqt ki chiz

sab jise intihā kaheñ tū use ibtidā samajh

ho na isī samajh pe ḳhush yūñhī baḌhā.e jā samajh

zauq-e-safar ghaTā na de log kaheñ jo nā-samajh

hāsil-e-mudda.ā ko bhī partav-e-mudda.ā samajh

aur bulandiyoñ pe jā raaz uruuj kā samajh

dil meñ hai dard-e-qaum agar qaum kī jald le ḳhabar

qaum se haiñ jo be-ḳhabar qaum kī un ko de ḳhabar

soch ki apnī qaum se kaun hai aaj be-ḳhabar

kaam kā aadmī mile yā na mile kise ḳhabar

kyā nahīñ tū ḳhud aadmī ḳhud ko hī kaam kā samajh

tere hudūd meñ kahīñ aa.iiñ nazar na pastiyāñ

lā.eq-e-e'tinā na hoñ ġhairoñ kī chīra-dastiyāñ

darḳhor-e-iltifāt hoñ kyoñ ye zalīl hastiyāñ

jis kī ḳhudī pe chhīn liiñ qaum kī ḳhud-parastiyāñ

aise ḳhudī-navāz ko qaum kā rahnumā samajh

quvvat-e-zar se jo bashar aa.ī balā ko Taal de

us kī karāmatoñ meñ jis aur bhī zul-jalāl de

us se agar hai bad-zanī dil meñ to ab nikāl de

qaum kī muflisī ko jo maʻriẓ-e-shak meñ Daal de

aise bhī māl-dār ko makramat-āshnā samajh

tū na rakh itnī hub-e-zar dil meñ magar ye rakh ḳhayāl

vaqt kī chiiz ban ga.ī aaj numūd-e-jāh-o-māl

tere numūd par kare faḳhr har ek bā-kamāl

izzat-e-qaum kā hai juz izzat-e-nafs kā savāl

apne bhī irtiqā ko tū qaum kā irtiqā samajh

sab jise intiha kahen tu use ibtida samajh

ho na isi samajh pe KHush yunhi baDhae ja samajh

zauq-e-safar ghaTa na de log kahen jo na-samajh

hasil-e-muddaa ko bhi partaw-e-muddaa samajh

aur bulandiyon pe ja raaz uruj ka samajh

dil mein hai dard-e-qaum agar qaum ki jald le KHabar

qaum se hain jo be-KHabar qaum ki un ko de KHabar

soch ki apni qaum se kaun hai aaj be-KHabar

kaam ka aadmi mile ya na mile kise KHabar

kya nahin tu KHud aadmi KHud ko hi kaam ka samajh

tere hudud mein kahin aain nazar na pastiyan

laeq-e-e'tina na hon ghairon ki chira-dastiyan

darKHor-e-iltifat hon kyon ye zalil hastiyan

jis ki KHudi pe chhin lin qaum ki KHud-parastiyan

aise KHudi-nawaz ko qaum ka rahnuma samajh

quwwat-e-zar se jo bashar aai bala ko Tal de

us ki karamaton mein jis aur bhi zul-jalal de

us se agar hai bad-zani dil mein to ab nikal de

qaum ki muflisi ko jo maʻriẓ-e-shak mein Dal de

aise bhi mal-dar ko makramat-ashna samajh

tu na rakh itni hub-e-zar dil mein magar ye rakh KHayal

waqt ki chiz ban gai aaj numud-e-jah-o-mal

tere numud par kare faKHr har ek ba-kamal

izzat-e-qaum ka hai juz izzat-e-nafs ka sawal

apne bhi irtiqa ko tu qaum ka irtiqa samajh