waqt kitna zalim hai

ai ajal-rasīda dil

tū mujhe kahāñ laayā

kyā yahī jagah hai vo

kal jahāñ hasīñ chehre

shoḳh dilrubā naġhme

saaz par umangoñ ke

jhuum jhuum jaate the

duur us pahāḌī ke

ḳhushnumā se Tiile par

baaġh ek phailā thā

jhiil kā tarannum thā

husn thā javānī thī

kaif thā fazāoñ meñ

shoḳhiyāñ havāoñ meñ

kal yahāñ kī har ik shai

thī javān aur ḳhush-kun

thā bahār kā aalam

aaj un kī yādoñ kī

raakh sirf uḌtī hai

miT ga.e hasīñ chehre

is zamīñ ke zarroñ meñ

kho ga.ī fazāoñ meñ

phuul kī madhur ḳhushbū

vaqt kī ye karvaT bhī

kis qadar anokhī hai

vaqt kitnā jābir hai

vaqt kitnā zālim hai

ai ajal-rasida dil

tu mujhe kahan laya

kya yahi jagah hai wo

kal jahan hasin chehre

shoKH dilruba naghme

saz par umangon ke

jhum jhum jate the

dur us pahaDi ke

KHushnuma se Tile par

bagh ek phaila tha

jhil ka tarannum tha

husn tha jawani thi

kaif tha fazaon mein

shoKHiyan hawaon mein

kal yahan ki har ek shai

thi jawan aur KHush-kun

tha bahaar ka aalam

aaj un ki yaadon ki

rakh sirf uDti hai

miT gae hasin chehre

is zamin ke zarron mein

kho gai fazaon mein

phul ki madhur KHushbu

waqt ki ye karwaT bhi

kis qadar anokhi hai

waqt kitna jabir hai

waqt kitna zalim hai