watan aazad hai

ab to chal saktā huuñ maiñ saḌkoñ pe sīdhe haath ko

ab to mai-ḳhāna banā saktā huuñ maiñ fōtpath ko

roz-e-raushan ab to kah saktā huuñ kaalī raat ko

ye tumheñ ma.alūm hai bhaa.ī vatan āzād hai

mujh ko rishvat ḳhuub khāne kī bhī āzādī hai aaj

duudh meñ paanī milāne kī bhī āzādī hai aaj

ghar paḌosī kā jalāne kī bhī āzādī hai aaj

ye tumheñ ma.alūm hai bhaa.ī vatan āzād hai

Dāk-ḳhāna apnā rail apnī nahīñ ab koī Dar

ab to maiñ bai-rang ḳhat bhejūñgā be-ḳhauf-o-ḳhatar

ThaaT se ab be-ticket hogā trainoñ meñ safar

ye tumheñ ma.alūm hai bhaa.ī vatan āzād hai

aaj sharmā.eñge rocket bhī mirī raftār se

lūTtā khātā guzar jā.ūñgā har bāzār se

aur police bolī to maiñ kah dūñgā thānedār se

ye tumheñ ma.alūm hai bhaa.ī vatan āzād hai

maiñ huuñ ḳhud-muḳhtār ab aisā karūñgā intizām

zer-dastoñ ko sukūñ kī saañs lenā ho harām

aur ba-majbūrī zabardastoñ ko kar lūñgā salām

ye tumheñ ma.alūm hai bhaa.ī vatan āzād hai

be-tuke ash.ār ik ustād ne kal shab paḌhe

maiñ ye bolā phir to kahiye aap ye kyā kah ga.e

sharm se gardan jhukā lī aur ye kahne lage

ye tumheñ ma.alūm hai bhaa.ī vatan āzād hai

ab to chal sakta hun main saDkon pe sidhe hath ko

ab to mai-KHana bana sakta hun main footpath ko

roz-e-raushan ab to kah sakta hun kali raat ko

ye tumhein malum hai bhai watan aazad hai

mujh ko rishwat KHub khane ki bhi aazadi hai aaj

dudh mein pani milane ki bhi aazadi hai aaj

ghar paDosi ka jalane ki bhi aazadi hai aaj

ye tumhein malum hai bhai watan aazad hai

Dak-KHana apna rail apni nahin ab koi Dar

ab to main bai-rang KHat bhejunga be-KHauf-o-KHatar

ThaT se ab be-ticket hoga trainon mein safar

ye tumhein malum hai bhai watan aazad hai

aaj sharmaenge rocket bhi meri raftar se

luTta khata guzar jaunga har bazar se

aur police boli to main kah dunga thanedar se

ye tumhein malum hai bhai watan aazad hai

main hun KHud-muKHtar ab aisa karunga intizam

zer-daston ko sukun ki sans lena ho haram

aur ba-majburi zabardaston ko kar lunga salam

ye tumhein malum hai bhai watan aazad hai

be-tuke ashaar ek ustad ne kal shab paDhe

main ye bola phir to kahiye aap ye kya kah gae

sharm se gardan jhuka li aur ye kahne lage

ye tumhein malum hai bhai watan aazad hai