بہت عزیز ہے مجھ کو وطن عزیز وطن
وطن کی خاک ہے عنبر مری نگاہوں میں
وطن کے قطرے سمندر مری نگاہوں میں
وطن کے ذرے ہیں گوہر مری نگاہوں میں
وطن کے خار گل تر مری نگاہوں میں
بہت عزیز ہے مجھ کو وطن عزیز وطن
مری نگاہوں میں وقعت ہے طور سینا کی
مری نگاہوں میں عظمت ہے عرش عالی کی
مری نگاہوں میں عزت ہے ساری دنیا کی
مگر ہے خاک وطن سرمہ چشم بینا کی
بہت عزیز ہے مجھ کو وطن عزیز وطن
مرے وطن میں ہے گوتم کا فیض روحانی
مرے وطن میں ہے گیتا کی شمع نورانی
مرے وطن میں ہے گنگا کی پاک دامانی
مرے وطن میں ہے نور ازل کی ارزانی
بہت عزیز ہے مجھ کو وطن عزیز وطن
وطن کی گرد وطن کی زمیں وطن کی ہوا
وطن کی شام وطن کی سحر وطن کی فضا
وطن کے کوچے وطن کے چمن وطن کی ادا
ہے یاد ان کی علاج اپنے رنج غربت کا
بہت عزیز ہے مجھ کو وطن عزیز وطن
بلند رتبۂ گردوں سے کار گاہ وطن
بلند حوصلۂ دل سے بارگاہ وطن
کلیم دل کے لئے طور جلوہ گاہ وطن
نشاط روح کی ضامن ہے سجدہ گاہ وطن
بہت عزیز ہے مجھ کو وطن عزیز وطن
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
