watan ki lagan

hind merā chaman

is meñ huuñ maiñ magan

hai isī kī lagan

rāhat-e-jān-o-tan

merā pyārā vatan

merī izzat hai ye

merī daulat hai ye

merī azmat hai ye

merī jannat hai ye

merā pyārā vatan

hind kī ḳhaak se

phuul kyā kyā uge

laal piile hare

mastiyoñ meñ base

merā pyārā vatan

is ke dariyā baḌe

tāzgī se bhare

baaġh phūle phale

lahlahāte hue

merā pyārā vatan

is ke chashme javāñ

is meñ nahreñ ravāñ

jangal aur vādiyāñ

is se achchhī kahāñ

merā pyārā vatan

ye vatan hai mirā

maiñ huuñ is par fidā

is pe rakkhe ḳhudā

apnī rahmat sadā

merā pyārā vatan

des kī aas huuñ

des ke paas huuñ

is kī bū-bās huuñ

des kā daas huuñ

merā pyārā vatan

hind mera chaman

is mein hun main magan

hai isi ki lagan

rahat-e-jaan-o-tan

mera pyara watan

meri izzat hai ye

meri daulat hai ye

meri azmat hai ye

meri jannat hai ye

mera pyara watan

hind ki KHak se

phul kya kya uge

lal pile hare

mastiyon mein base

mera pyara watan

is ke dariya baDe

tazgi se bhare

bagh phule phale

lahlahate hue

mera pyara watan

is ke chashme jawan

is mein nahren rawan

jangal aur wadiyan

is se achchhi kahan

mera pyara watan

ye watan hai mera

main hun is par fida

is pe rakkhe KHuda

apni rahmat sada

mera pyara watan

des ki aas hun

des ke pas hun

is ki bu-bas hun

des ka das hun

mera pyara watan