watan ki mohabbat

vo chiḌiyā vo totā vo mainā vo mor

vo koyal vo bulbul vo qumrī chakor

vo jhīloñ kī lahreñ vo dariyā kā zor

vo jharnoñ kā girnā vo paanī kā shor

vo sarsabz is ke pahāḌ aur ban

ye merā vatan hai ye merā vatan

vo ġhalle vo meve vo tarkāriyāñ

vo ḳhush-rang phūloñ kī gulkāriyāñ

vo sarsabz bāġhoñ kī phul-vāriyāñ

vo sairāb aur ḳhushnumā kyāriyāñ

zamīneñ vo zarḳhez dilkash chaman

ye merā vatan hai ye merā vatan

vo bikhrī huī dhuup din kī bahār

vo nikhrī huī chāñdnī ḳhush-gavār

vo raushan sitāre vo shab kā siñghār

vo sehn-e-chaman meñ khilā lāla-zār

vo mahtāb kī pyārī pyārī kiran

ye merā vatan hai ye merā vatan

pahāḌoñ ke manzar banoñ kā samāñ

vo in meñ hazāroñ hī chashme ravāñ

kahāñ tak bayāñ is kī hoñ ḳhūbiyāñ

hai firdaus kā is chaman par gumāñ

ye bāġh-e-iram hai ye bāġh-e-adan

ye merā vatan hai ye merā vatan

wo chiDiya wo tota wo maina wo mor

wo koyal wo bulbul wo qumri chakor

wo jhilon ki lahren wo dariya ka zor

wo jharnon ka girna wo pani ka shor

wo sarsabz is ke pahaD aur ban

ye mera watan hai ye mera watan

wo ghalle wo mewe wo tarkariyan

wo KHush-rang phulon ki gulkariyan

wo sarsabz baghon ki phul-wariyan

wo sairab aur KHushnuma kyariyan

zaminen wo zarKHez dilkash chaman

ye mera watan hai ye mera watan

wo bikhri hui dhup din ki bahaar

wo nikhri hui chandni KHush-gawar

wo raushan sitare wo shab ka singhaar

wo sehn-e-chaman mein khila lala-zar

wo mahtab ki pyari pyari kiran

ye mera watan hai ye mera watan

pahaDon ke manzar banon ka saman

wo in mein hazaron hi chashme rawan

kahan tak bayan is ki hon KHubiyan

hai firdaus ka is chaman par guman

ye bagh-e-iram hai ye bagh-e-adan

ye mera watan hai ye mera watan