wo apne hath mein duniya ki tahziben uThae aaegi

vo apne haath meñ duniyā kī tahzībeñ uThā.e aa.egī aur gir paḌegī

maiñ naqshe kī madad se us ke girne kī ḳhabar dūñgā

samundar be-bizā.at hai ugal detā hai niilī kashtiyoñ ko

āsmāñ khiḌkī se bāhar pheñk detā hai jahāzoñ ko

sitāre dekh kar chalte nahīñ miTTī uḌā le jā.egī un ko

so ye vo sā.ateñ haiñ jab nahīñ chalte sitāre

aur miTTī phail jaatī hai

vo apnī āstīneñ dho ke ghar aa.egī aur un ko ujāle meñ sikhā.egī

mohabbat ek Dhīlā lafz hai is ke simaTne kā

so vo to kushtanī hai jo nahīñ niklā safar par aur naqshe kī madad se apne ghar pahuñchā

maiñ āñkheñ band kar lūñgā

vo lambī rāhdārī ke sire par aa.egī aur gir paḌegī

maiñ naqshe kī madad se us ke girne kī ḳhabar dūñgā

wo apne hath mein duniya ki tahziben uThae aaegi aur gir paDegi

main naqshe ki madad se us ke girne ki KHabar dunga

samundar be-bizaat hai ugal deta hai nili kashtiyon ko

aasman khiDki se bahar phenk deta hai jahazon ko

sitare dekh kar chalte nahin miTTi uDa le jaegi un ko

so ye wo saaten hain jab nahin chalte sitare

aur miTTi phail jati hai

wo apni aastinen dho ke ghar aaegi aur un ko ujale mein sikhaegi

mohabbat ek Dhila lafz hai is ke simaTne ka

so wo to kushtani hai jo nahin nikla safar par aur naqshe ki madad se apne ghar pahuncha

main aankhen band kar lunga

wo lambi rahdari ke sire par aaegi aur gir paDegi

main naqshe ki madad se us ke girne ki KHabar dunga