wo ek aag

ik ajab aag sī hai siine meñ

jaise ho sīna-e-shamshīr kī aag

ik ajab aag sī hai bātin meñ

jaise ho nāla-e-shabgīr kī aag

jaise ik sho.ala-e-javvāla falak ko chhū le

sīna-e-sard meñ mere hai vahī aag abhī

toda-e-barf se jo bujh na sake

ban ke sho.ala ye baḌhī jaatī hai

sū-e-aflāk uThī jaatī hai

us kī zad meñ haiñ

ye ashyā-e-nizām-e-ālam

bas ki ik ḳhauf hai pahlū meñ mire

apnī hī aag se afkār na jal jaa.eñ kahīñ

sochtā huuñ ki duā hī māñgūñ

mere ātish-kada-e-sīna ko

merā rab lutf-o-karam kā koī chashma kar de

ek ajab aag si hai sine mein

jaise ho sina-e-shamshir ki aag

ek ajab aag si hai baatin mein

jaise ho nala-e-shabgir ki aag

jaise ek shoala-e-jawwala falak ko chhu le

sina-e-sard mein mere hai wahi aag abhi

toda-e-barf se jo bujh na sake

ban ke shoala ye baDhi jati hai

su-e-aflak uThi jati hai

us ki zad mein hain

ye ashya-e-nizam-e-alam

bas ki ek KHauf hai pahlu mein mere

apni hi aag se afkar na jal jaen kahin

sochta hun ki dua hi mangun

mere aatish-kada-e-sina ko

mera rab lutf-o-karam ka koi chashma kar de