wo ek laDki

jo diler thī kabhī

jab paidā huī thī

to ro ro kar pair paTak kar

apne asitiv ko darshāne kī koshish karne lagī par

nazar paḌte hī apnī maañ par

maañ kī bechārgī ne use sahamnā sikhāyā

apnī ahmiyat dikhāne kī

jur.at huī tumheñ kaise

zamāne kī nazroñ meñ ye nazar aayā

aur bas

tabhī se payyāñ payyāñ chalne se

schōl se collage tak

collage se manDap tak

bas sahmī huī hai

kabhī jo diler hone kī koshish kartī hai

be-sharm kahlā.ī jaatī hai

logoñ ko chālāk na nazar aa.e is liye

jhaT phir saham jaatī hai

maano sahamnā to us kī niyyat hai

us laḌkī se merā ek ajiib sā rishta hai

us meñ mujhe apnā bachpan dikhtā hai

jo diler thi kabhi

jab paida hui thi

to ro ro kar pair paTak kar

apne asitiw ko darshane ki koshish karne lagi par

nazar paDte hi apni man par

man ki bechaargi ne use sahamna sikhaya

apni ahmiyat dikhane ki

jurat hui tumhein kaise

zamane ki nazron mein ye nazar aaya

aur bas

tabhi se payyan payyan chalne se

school se collage tak

collage se manDap tak

bas sahmi hui hai

kabhi jo diler hone ki koshish karti hai

be-sharm kahlai jati hai

logon ko chaalak na nazar aae is liye

jhaT phir saham jati hai

mano sahamna to us ki niyyat hai

us laDki se mera ek ajib sa rishta hai

us mein mujhe apna bachpan dikhta hai