wo KHwab madum ho gae hain

azīm-tar thī nazar kī duniyā

hasīn thiiñ aarzū kī rāheñ

alāmat-e-zindagī thī ḳhvāboñ kī kahkashāñ

zād-e-rāh thiiñ hairateñ vafā.eñ

larazte ehsās

kāñptā zehn

fikr-e-fardā kī jot se

muztarib nigāheñ

vo rañg-o-saut-o-sadā ke vaqfe

vo jān-o-tan kī hikāyateñ

qalb-o-rūh ke dil-kushā manāzir

vo sab jo ik umr kī kamā.ī the

kaise ik be-kanār kohre meñ chhup ga.e haiñ

vo ḳhvāb jo hairatoñ vafāoñ ne

dil kī khetī meñ bo.e the

kaise harf mādūm ho ga.e haiñ

azim-tar thi nazar ki duniya

hasin thin aarzu ki rahen

alamat-e-zindagi thi KHwabon ki kahkashan

zad-e-rah thin hairaten wafaen

larazte ehsas

kanpta zehn

fikr-e-farda ki jot se

muztarib nigahen

wo rang-o-saut-o-sada ke waqfe

wo jaan-o-tan ki hikayaten

qalb-o-ruh ke dil-kusha manazir

wo sab jo ek umr ki kamai the

kaise ek be-kanar kohre mein chhup gae hain

wo KHwab jo hairaton wafaon ne

dil ki kheti mein boe the

kaise harf madum ho gae hain