yaad

shab kī chādar oḌh kar aa.ī hai

lamhoñ kī mahaktī dhuul meñ lipTī huī

merī jānib dhīre dhīre baḌh rahī hai

aur maiñ apne bistar-e-ḳhāshāk-o-ḳhas par

nīm-vā āñkhoñ se dhundlī raushnī ko

der se taktā huā

dam-ba-ḳhud huuñ jhilmilātī soch meñ khoyā huā

vo qarīb aatī hai

merī saañs meñ sho.ale jagātī hai

mirī dhaḌkan kī lai ko kar rahī hai tez-tar

aur mujhe bedār-tar hoshyār-tar

haath jab baḌhte haiñ chhūne ke liye

aur ho jaatī haiñ gahrī chādar-e-shab kī taheñ

aur chhā jaatī hai sañvlā.e hue lamhoñ kī dhuul

yaad ban jaatī hai ik mauhūm bhuul

shab ki chadar oDh kar aai hai

lamhon ki mahakti dhul mein lipTi hui

meri jaanib dhire dhire baDh rahi hai

aur main apne bistar-e-KHashak-o-KHas par

nim-wa aankhon se dhundli raushni ko

der se takta hua

dam-ba-KHud hun jhilmilati soch mein khoya hua

wo qarib aati hai

meri sans mein shoale jagati hai

meri dhaDkan ki lai ko kar rahi hai tez-tar

aur mujhe bedar-tar hoshyar-tar

hath jab baDhte hain chhune ke liye

aur ho jati hain gahri chadar-e-shab ki tahen

aur chha jati hai sanwlae hue lamhon ki dhul

yaad ban jati hai ek mauhum bhul