yaadon ka cancer

sāñsoñ kā bojh bhārī ho jaane ke baad

maiñ use ghar chhoḌ kar safar par nikal paḌā huuñ

magar chauk meñ baiThī ḳhāmoshī

mujhe ghuur rahī hai

saarā din taḳhayyul kī duniyā meñ guzārne ke baad

shaam ke vaqt udāsiyoñ kā bojh uThā.e

maiñ luuT aatā huuñ

kyoñke raushan-dān se aane vaalā añdherā

mere binā ghabrā jaatā hai

mere kuchh ma.azūr ḳhvāb mere bistar par

merā intizār karte haiñ

magar niiñd ab merī duniyā se hijrat kar chukī hai

rāt-bhar āñkheñ āñsūoñ se mubāsharat kartī haiñ

merā zehn faqat hādsoñ ke baare meñ sochtā hai

rāt-bhar rone kī āvāzeñ aatī haiñ

maiñ ab bain kī lorī kā aadī ho chukā huuñ

rāt-bhar tez bārish ehtijāj kartī hai

maiñ ġhamoñ ko purānā aḳhbār samajh kar

jalā denā chāhtā huuñ

magar in aḳhbāroñ par merī chand

muskurātī tasvīreñ haiñ

peḌ mere qahqahoñ se ḳhaufzada ho jaate haiñ

sadiyoñ se yahī sab dohrātā maiñ sochtā huuñ

ki kyā raat insān kī dushman hai

yā phir añdherā yā kisī kī yaad kā cancer

sanson ka bojh bhaari ho jaane ke baad

main use ghar chhoD kar safar par nikal paDa hun

magar chauk mein baiThi KHamoshi

mujhe ghur rahi hai

sara din taKHayyul ki duniya mein guzarne ke baad

sham ke waqt udasiyon ka bojh uThae

main luT aata hun

kyonke raushan-dan se aane wala andhera

mere bina ghabra jata hai

mere kuchh mazur KHwab mere bistar par

mera intizar karte hain

magar nind ab meri duniya se hijrat kar chuki hai

raat-bhar aankhen aansuon se mubasharat karti hain

mera zehn faqat hadson ke bare mein sochta hai

raat-bhar rone ki aawazen aati hain

main ab bain ki lori ka aadi ho chuka hun

raat-bhar tez barish ehtijaj karti hai

main ghamon ko purana aKHbar samajh kar

jala dena chahta hun

magar in aKHbaron par meri chand

muskuraati taswiren hain

peD mere qahqahon se KHaufzada ho jate hain

sadiyon se yahi sab dohraata main sochta hun

ki kya raat insan ki dushman hai

ya phir andhera ya kisi ki yaad ka cancer