yaadon ki manus hawa

ḳhat un kā anjān shahr se aanā thā na aaya hai

paḌh kar novel afsānoñ ko dil apnā bahlāyā hai

ġham kā panchhī des des sahrā sahrā mañDlāyā hai

Daalī Daalī DhūñD chukā pattā pattā khaḌkāyā hai

yādoñ kī mānūs havā se zaḳhmoñ ko sahlāyā hai

yaad nahīñ kyā un ko bachpan kitne naaz uThāte the

rūThā kartā thā maiñ aksar pahroñ mujhe manāte the

so jaatā thā jab maiñ thak kar is mahuve ke peḌ tale

miTTī ke darbān kā pahra sirhāne biThlāte the

kyā purvā ke ThanDe jhoñke un ke des nahīñ jaate

un ke āñgan ke mausam rūmānī giit nahīñ gaate

aao bachcho saath tumhāre ret gharauñde ham bhī kheleñ

taal se giilī miTTī laao ik mūrat un kī Dhāleñ

khel ḳhatm ho jaane tak phir in ke nishāñ miTā denā

aaj yahāñ jo khel rahe ho kal us jagah banā lenā

varna ye reze ban ban kar sadiyoñ chubhte rahte haiñ

āñkhoñ se Takrāte haiñ phir dil ko chhalnī karte haiñ

vo dekho is peḌ ke nīche īñTeñ patthar bikhre haiñ

mere ujḌe shīsh-mahal ke nāzuk nāzuk TukḌe haiñ

le jaao barsā do in ko aam ke pakke gūdoñ par

yā phir in ko pheñk do kaalī koyal zard papīhoñ par

KHat un ka anjaan shahr se aana tha na aaya hai

paDh kar nowel afsanon ko dil apna bahlaya hai

gham ka panchhi des des sahra sahra manDlaya hai

Dali Dali DhunD chuka patta patta khaDkaya hai

yaadon ki manus hawa se zaKHmon ko sahlaya hai

yaad nahin kya un ko bachpan kitne naz uThate the

ruTha karta tha main aksar pahron mujhe manate the

so jata tha jab main thak kar is mahuwe ke peD tale

miTTi ke darban ka pahra sirhane biThlate the

kya purwa ke ThanDe jhonke un ke des nahin jate

un ke aangan ke mausam rumani git nahin gate

aao bachcho sath tumhaare ret gharaunde hum bhi khelen

tal se gili miTTi lao ek murat un ki Dhaalen

khel KHatm ho jaane tak phir in ke nishan miTa dena

aaj yahan jo khel rahe ho kal us jagah bana lena

warna ye reze ban ban kar sadiyon chubhte rahte hain

aankhon se Takraate hain phir dil ko chhalni karte hain

wo dekho is peD ke niche inTen patthar bikhre hain

mere ujDe shish-mahal ke nazuk nazuk TukDe hain

le jao barsa do in ko aam ke pakke gudon par

ya phir in ko phenk do kali koyal zard papihon par