yatim bachche ka dard

ammāñ ab maiñ baḌā ho gayā

tīsre darje meñ paḌhtā huuñ

yaad aate haiñ mujh ko vo din

sub.h jagātī thiiñ tum mujh ko

muñh dhulvātīñ nahlātīñ thiiñ

juute par polish kartī thiiñ

dress mujhe pahnātī thiiñ tum

tiffin mire hāthoñ meñ de kar

roz ḳhudā-hāfiz kahtī thiiñ

jab schōl se aatā thā maiñ

apnī god meñ le kar mujh ko

pyaar se merā bosa letīñ

lekin ab ke jab se ga.ī ho

ghar meñ ik sannāTā sā hai

jab schōl ko jaatā huuñ maiñ

dress nahīñ pahnātā koī

tiffin nahīñ detā hai koī

kahtā nahīñ ḳhudā-hāfiz bhī

ammāñ mujh ko ye to batāo

jo allāh ke ghar jaatā hai

kyā vo lauT nahīñ paatā hai

kaun mire āñsuoñ ko poñchhe

kaun gale se mujh ko lagā.e

mujh ko lorī kaun sunā.e

apnā dard sunā.ūñ kis ko

amman ab main baDa ho gaya

tisre darje mein paDhta hun

yaad aate hain mujh ko wo din

subh jagati thin tum mujh ko

munh dhulwatin nahlatin thin

jute par polish karti thin

dress mujhe pahnati thin tum

tiffin mere hathon mein de kar

roz KHuda-hafiz kahti thin

jab school se aata tha main

apni god mein le kar mujh ko

pyar se mera bosa letin

lekin ab ke jab se gai ho

ghar mein ek sannaTa sa hai

jab school ko jata hun main

dress nahin pahnata koi

tiffin nahin deta hai koi

kahta nahin KHuda-hafiz bhi

amman mujh ko ye to batao

jo allah ke ghar jata hai

kya wo lauT nahin pata hai

kaun mere aansuon ko ponchhe

kaun gale se mujh ko lagae

mujh ko lori kaun sunae

apna dard sunaun kis ko