ye ishq-nagar wo basti hai

ye ishq-nagar vo bastī hai

jahāñ roz-e-azal se khel hai ye

jo dil meñ armāñ palte haiñ

vahī dil kī aag meñ jalte haiñ

jo sapne āñkheñ buntī haiñ

vahī kirchī kirchī chuntī haiñ

yahāñ rūThtī haiñ jab taqdīreñ

phir chaltī nahīñ haiñ tadbīreñ

yahāñ paañv meñ chhan-chhan kartī haiñ

armāñ hasrat kī zanjīreñ

yahāñ dil meñ jo aa baste haiñ

vahī dil ko aa kar Daste haiñ

vo pahle pāgal karte haiñ

phir pāgal-pan pe hañste haiñ

yahāñ bin bādal barsāt rahe

yahāñ ġham kī kaalī raat rahe

jo is bastī meñ aa jaa.e

koī naam rahe na zaat rahe

ye ishq-nagar vo bastī hai

jahāñ roz-e-azal se khel hai ye

ye ishq-nagar wo basti hai

jahan roz-e-azal se khel hai ye

jo dil mein arman palte hain

wahi dil ki aag mein jalte hain

jo sapne aankhen bunti hain

wahi kirchi kirchi chunti hain

yahan ruThti hain jab taqdiren

phir chalti nahin hain tadbiren

yahan panw mein chhan-chhan karti hain

arman hasrat ki zanjiren

yahan dil mein jo aa baste hain

wahi dil ko aa kar Daste hain

wo pahle pagal karte hain

phir pagal-pan pe hanste hain

yahan bin baadal barsat rahe

yahan gham ki kali raat rahe

jo is basti mein aa jae

koi nam rahe na zat rahe

ye ishq-nagar wo basti hai

jahan roz-e-azal se khel hai ye