ye waqt kya hai

ye vaqt kyā hai

ki apne ma.amūl se gurezāñ har ek shai hai

har ek lamha

guzishta lamhāt kī nafī hai

ajiib vahm-o-yaqīn kā imtizāj

sochoñ meñ ghul gayā hai

jo ḳhvāb dekho to

zindagī par yaqīn aa.e

diye bujhā do to

raushnī par yaqīn aa.e

sarāb dariyā hai

aur reg-e-ravāñ samundar

badan pe zaḳhmoñ kā jaal hai

jugnuoñ se likkhī huī ibārat

yaqīn-e-vahm-o-gumān kī had

shikastagī imtihān kī had

ye vaqt kyā hai

ki apne ma.amūl se gurezāñ har ek shai hai

ye waqt kya hai

ki apne mamul se gurezan har ek shai hai

har ek lamha

guzishta lamhat ki nafi hai

ajib wahm-o-yaqin ka imtizaj

sochon mein ghul gaya hai

jo KHwab dekho to

zindagi par yaqin aae

diye bujha do to

raushni par yaqin aae

sarab dariya hai

aur reg-e-rawan samundar

badan pe zaKHmon ka jal hai

jugnuon se likkhi hui ibarat

yaqin-e-wahm-o-guman ki had

shikastagi imtihan ki had

ye waqt kya hai

ki apne mamul se gurezan har ek shai hai