yun bhi hota hai ki apne-ap aawaz dena paDti hai

duniyā be-sifatī kī aañkh se dekh

ye takvīn, zamān, zamīneñ,

mastī aur lagan kī liilā

ik bahlāvā hai

is bahlāve meñ ik dastāvez hai

jis kā avval āḳhir

phaTā huā hai

dūdhiyā raushan

shāh-rāhoñ par

kitne yug the

jin meñ ḳhāmoshī ke lambe lambe sakte haiñ

bārish aur maaTī kā zikr nahīñ

phir bhī ham ne

ma.anī aur imkān kī be-tartībī meñ

udhar udhar se

zinda rahne kā sāmān kiyā

ḳhvāboñ ke gadle paanī meñ machhlī dekh ke

harf banā.e

aur chiknī miTTī kī mūrat par

do āñkheñ rakkhīñ

ghaTtī baḌhtī duniyāoñ tak

mastī aur lagan kī liilā meñ

ab harf hamāre diloñ ko raushan rakhte haiñ

lekin jur.a jur.a

umroñ ke dālān meñ

apne-āp ko be-ḳhabarī se

bharnā paḌtā hai

niilī chhat

ThanDī rakhne ko

tan-man niilā karnā paḌtā hai!

duniya be-sifati ki aankh se dekh

ye takwin, zaman, zaminen,

masti aur lagan ki lila

ek bahlawa hai

is bahlawe mein ek dastawez hai

jis ka awwal aaKHir

phaTa hua hai

dudhiya raushan

shah-rahon par

kitne yug the

jin mein KHamoshi ke lambe lambe sakte hain

barish aur maTi ka zikr nahin

phir bhi hum ne

mani aur imkan ki be-tartibi mein

udhar udhar se

zinda rahne ka saman kiya

KHwabon ke gadle pani mein machhli dekh ke

harf banae

aur chikni miTTi ki murat par

do aankhen rakkhin

ghaTti baDhti duniyaon tak

masti aur lagan ki lila mein

ab harf hamare dilon ko raushan rakhte hain

lekin jura jura

umron ke dalan mein

apne-ap ko be-KHabari se

bharna paDta hai

nili chhat

ThanDi rakhne ko

tan-man nila karna paDta hai!