zat ke rog mein

tab vo be-sāḳhta ro paḌe sīna-kūbī kare

jaane vaale kā mātam kare

bain karte phire

āḳhirī paat ke sog meñ

tilmilātī rahe

zaat ke rog meñ

phir vo rut aa.e jab

chiknī kā.ī-zada sī chaTTānoñ pe dekhūñ maiñ ḳhud ko

maiñ āñkhoñ ke paanī ko rokūñ magar paanī kaise ruke

tab maiñ chīḳhūñ bulā.ūñ use

gahre niile samundar kī tah meñ vo hogī kahīñ kaun jaane

magar vo bulāve ko sun kar samundar kī tah se ubhar kar

mire paas aa.e mujhe chhū ke dekhe

kahe tum kahāñ the

ḳhudārā batāo ki tum itnā arsa kahāñ the

mujhe ḳhud se lipTā.e mahkī huī god meñ le ke jhūlā jhulā.e

koī giit gaa.e jo sayyāl chāñdī kā chashma sā ban kar bahe

dhund ban kar uḌe

mujh ko sūraj kī gandī tamāzat se mahfūz kar de

kahe ab to jaane na dūñgī tumheñ

ab maiñ jaane na dūñgī tumheñ

aur maiñ

apne bojhal papoToñ ko mīche

kisī narm jhoñke ke qadmoñ kī aahaT sunūñ

tañg hote hue dūdhiyā bāzuoñ ke

mulā.em se halqe meñ sone lagūñ

kaash sone lagūñ

kaash maiñ so sakūñ

tab wo be-saKHta ro paDe sina-kubi kare

jaane wale ka matam kare

bain karte phire

aaKHiri pat ke sog mein

tilmilati rahe

zat ke rog mein

phir wo rut aae jab

chikni kai-zada si chaTTanon pe dekhun main KHud ko

main aankhon ke pani ko rokun magar pani kaise ruke

tab main chiKHun bulaun use

gahre nile samundar ki tah mein wo hogi kahin kaun jaane

magar wo bulawe ko sun kar samundar ki tah se ubhar kar

mere pas aae mujhe chhu ke dekhe

kahe tum kahan the

KHudara batao ki tum itna arsa kahan the

mujhe KHud se lipTae mahki hui god mein le ke jhula jhulae

koi git gae jo sayyal chandi ka chashma sa ban kar bahe

dhund ban kar uDe

mujh ko suraj ki gandi tamazat se mahfuz kar de

kahe ab to jaane na dungi tumhein

ab main jaane na dungi tumhein

aur main

apne bojhal papoTon ko miche

kisi narm jhonke ke qadmon ki aahaT sunun

tang hote hue dudhiya bazuon ke

mulaem se halqe mein sone lagun

kash sone lagun

kash main so sakun