zahr ka dariya

chalo ki zahr ke dariyā kī sair kī jaa.e

use matheñ aur amrit kī khoj kī jaa.e

apne ḳhud-ġharaz irādoñ kī baaT baT kar ke

kā.enāt ik na.ī shurūa kī jaa.e

vo jo dānavoñ ko bhasm kartī ho

jo devtāoñ ko insān kartī ho

vo jis meñ shiv ko zahr piinā na paḌe

vo kā.enāt jo sab ko sammān kartī ho

vo jis meñ bhes raahū badal na sake

badal bhī le to amrit ko pī na sake

vo jis meñ kaurvoñ kī zaat na ho

vo jis meñ siitā koī churā na sake

maiñ jantā huuñ duniyā badal nahīñ saktī

ek ho kar ke sāgar ko math nahīñ saktī

yūñhī ḳhayāl sā guzrā hai be-ma.anī sā

jis kī takmīl har haal ho nahīñ saktī

phir bhī

chal ke dekho to zahr kā dariyā

mathne kī koshisheñ to karo

kise pata hai phir se amrit nikal hī paḌe

chalo ki zahr ke dariya ki sair ki jae

use mathen aur amrit ki khoj ki jae

apne KHud-gharaz iradon ki baT baT kar ke

kaenat ek nai shurua ki jae

wo jo danawon ko bhasm karti ho

jo dewtaon ko insan karti ho

wo jis mein shiw ko zahr pina na paDe

wo kaenat jo sab ko samman karti ho

wo jis mein bhes rahu badal na sake

badal bhi le to amrit ko pi na sake

wo jis mein kaurwon ki zat na ho

wo jis mein sita koi chura na sake

main janta hun duniya badal nahin sakti

ek ho kar ke sagar ko math nahin sakti

yunhi KHayal sa guzra hai be-mani sa

jis ki takmil har haal ho nahin sakti

phir bhi

chal ke dekho to zahr ka dariya

mathne ki koshishen to karo

kise pata hai phir se amrit nikal hi paDe