zamin KHwab KHushbu

muñDeroñ se jab dhuup utrī

abhī raat jaagī nahīñ thī

abhī ḳhvāb kā chāñd sahrā meñ soyā huā thā

samundar ke bāloñ meñ chāñdī chamaktī nahīñ thī

kisī taaq meñ bhī diye kī koī lo bhaḌaktī nahīñ thī

fazāoñ meñ gītoñ kī mahkār thī

parinde abhī āshiyānoñ ko bhūle nahīñ the

vo sapnoñ meñ khoī huī thī

zamāne pe jab dhuup utrī

to us ne badan ko sameTā nahīñ thā

ye miTTī kī zarḳhezī jaagī nahīñ thī

so jab raat utrī

zamīñ ḳhvāb ḳhushbū

ye mausam

ye maiñ

merī āñkheñ

mirā dil

use ro rahe the

zamāne par jab raat utrī

munDeron se jab dhup utri

abhi raat jagi nahin thi

abhi KHwab ka chand sahra mein soya hua tha

samundar ke baalon mein chandi chamakti nahin thi

kisi taq mein bhi diye ki koi lo bhaDakti nahin thi

fazaon mein giton ki mahkar thi

parinde abhi aashiyanon ko bhule nahin the

wo sapnon mein khoi hui thi

zamane pe jab dhup utri

to us ne badan ko sameTa nahin tha

ye miTTi ki zarKHezi jagi nahin thi

so jab raat utri

zamin KHwab KHushbu

ye mausam

ye main

meri aankhen

mera dil

use ro rahe the

zamane par jab raat utri